Vasco Giangavino con l’opera “Mi carignat…”
Motivazione:
Custa poesia de Vasco Giangavino si stallat po sa leviesa dìliga chi est capassa de torrai su sentidu de su tempus: su tempus chi si ‘nci colat lassendi amarguras in palas e sprundendi isperas indaennantis; ma su poeta tramudat su tempus ind unu carignu chi s’assentat pàsidu in custu atuamentu.
Is versus torrant, cun sa mùsica insoru, un’armonia paxiosa chi ammasedat s’annùgiu, e parint a ddu sciaddiri ind unu scolòriu de cuscièntzia pensamentosa.
Teresa Piredda Paoloni con l’opera “Impudu”
Motivazione:
Sa poesia de Teresa Piredda Paoloni arrennecit a donai cun abbilesa e capia manna unu sentidu e un’istadu psicologicu: su tromentu e sa matana chi nos donat s’impudu, e chi si fait santziai intra ‘e mementus diferentis, chene si lassai paxi, ma sempri fasendusì abbillai in s’umbra de nos e totu. Su ritmu chi intrverat a regula versus curtzus e versus longus parit marcai cun maistria custa pelea de s’ànima.
Cinzia Novati con l’opera “Pispisus de un’omini”
Motivazione:
Sa poesia de Cinzia Novati, cun su tessìngiu sintzillu suu, s’accerat inforas de su chi unu s’iat a abetai, e custu si fait scolliri arrinconis disconnotus de sa menti e de sa mirada nostra, ponendusì a pentzai e a meledai in su spantu paradossali. Sa mètrica irregulari cuat inintro ‘e sei una sabidoria bertera, chi fraigat arrandas arraspiosas e desempladas.
Menzione d’onore | Maria Bonaria Corona con l’opera Anninnia Anninnora |
Segnalazione | Marinella Sestu con l’opera “Pobiras Animas” |
Segnalazione | Sebastiano (Eliano) Cau con l’opera “Orròsa ‘e oro” |
Premio Speciale Faustino Onnis | Chiappori Sandro con l’opera “Stàminis de amori” |
Giancarlo Secci con l’opera “ Una bidda chene tempus”
Motivazione:
Po sa fantasia manna e foras de tempus e sa connoscentzia de is pillonis de celu marinus cun is logus abi trapicant e si nodriant. Po sa lingua sarda campidanesa beni manixàda e sa capassidadi manna seria e burlana de balenti contadori.
Giuseppe Tirotto con l’opera “Sa fotografia”
Motivazione:
Po sa modernidàdi, su tessingiu gallosu, sa capassidadi e abbilidadi in su contai siat in sa lingua sarda Galluresa, siat in Italianu chi no est feti una tramudantzia.
Pier Giuseppe Branca con l’opera “Sa gherra in coro”
Motivazione:
Po s’arregordu de una gherra pagu connota. Is fotografias de is logus e sa genti arremonada, s’attobiu beni arrennescidu in trà genti de diversa arratza e genìa chi est sa musica nodida chi no feti su marineri sardu est disigiosu de ascurtai
Sebastiano Eliano Cao con l’opera “A Mama, dae s’inferru ‘e su Don”
Motivazione:
Po s’ammostu de una littera sunfrida e accoràda imbiada de sa gherra in Russia. Po su cumprendoniu, de su trumentu, su dolori, s’arabiu e su disisperu, ingespiau a sa lastima e sa bonesa de sa genti de sa Russia, cundiu e cummossau cun sa spera de sa genti paxiosa chi no agatat laccanas.
Katia Debora Melis con l’opera “Antoni”
Motivazione:
Est su tzerriu de dolori, de un’anima sinzilla e dilicada contras a sa sotziedadi de oindi’ sempri prus de pagu incuru e cumprendoniu. Su scattibi e sa tempera sua de liberta pensadorano ddi donat assentu e no agatas risposta peruna ananti de custus tempus sempri prus marapascosus e pistighingiaus.
Classe III° H scuola secondaria di primo grado Dante Alighieri – Selargius con la poesia
“Migrantis”
Motivazione:
Comente sèmpiri de is pipius nc’at de imparai. Po issus addia est su logu de s’ispera e est sa boxi de chini boxi no tenit. Su meledu fungudu a pitzus de su disterru de pópulus cumpletus ddus ingollit a iscriri in versus iscapus pentzamentus frorius po chi su disterru si furrit in prémiu.
Classe II° A Scuola primaria Sacro Cuore – Cagliari per le poesie
“Oi in iscola boleus imparai”
Motivazione:
Sighendu s’arrastu de “Is Paràulas de Santu Martinu” Is Pipius Campidanesus adobiendu sonus chi s’assimbillant a pari imbentant acrobadas curiosas prenendu de bellas imàginis fueddus sonadoris.
Classe III° A Scuola primaria Sacro Cuore – Cagliari per le poesie
“Froris in dogna logu”
Motivazione:
Is Cantoris Sardus Piticheddus circhendu de fàiri torrai is versus in rima basada pintant unu cuadru ancà de frori in frori, de durciura in durciura arribbant a su frori prus durci: sa Terra insoru. S’andanta sonadora de sa cantzoni torrat a tretu pitzinnu fintzas sa mèmoria de is mannus.
