SA FUNDATZIONI FAUSTINU ONNIS TI CUMBIDAT A SA

de VII^ Editzionis de su
Prémiu de Artis Faustinu Onnis

Sa de III setzionis – poesia improvisada

Intregada a sa cantadora Paola Dentoni

Bandu de Cuncursu

Si ghetat su bandu de sa de VII^ editzionis de su “Prémiu de Artis Faustinu Onnis” chi s’at a fàiri in su Cumunu de Ceraxus. A su prémiu podint pigai parti totus, calisisiat edadi tengiant, in calisisiat logu siant residentis e po partecipai no si pagat nudda.

A custa setzioni, po custa torrada de su prémiu -sa de VII- podint pigai parti poetas e poetessas,   chi cantant sighendu sa costumàntzia de sa poesia improvisada campidanesa, a mutetus longus, a versus, a mutetus frorius e a sa repentina.

REGULAMENTU

Art. 1

Chini bolit partecipai depit mandai una domanda (All. A), ancà s’at a dèpiri iscriri nòmini, sangunau e indiritzu e su modu iscerau po cantai iscriendu fintzas chi si bolit partecipai a una o a prus de una setzioni de is chi ddoi funt in su bandu (poesia a mutetus longus, a versus, a mutetus frorius, a sa repentina). Sa domanda si depit mandai po posta a intru de su 10 de Donniassantu 2024 a:

SEGRETERIA de su Prémiu de Artis Faustinu Onnis – sa de VII° EDITZIONIS

c/o Fondatzioni Faustinu Onnis, bia San Paolo, 34 – 09047 Ceraxus (CA).  Sa Fondatzioni F.O. no at a tènniri curpa de is ritardus e/o de is mancàntzias de is Postas chi ant a pòdiri acuntèssiri.

Si podit mandai fintzas in bia TELEMATICA s’All A in alliongiu pdf o word a s’indiritzu  fondazione.fo@tiscali.it iscriendu comente imperò “Prémio de Artis Faustinu Onnis sa de VII editzionis. Setzioni poesia improvvisada. Sa mail si depit mandai a intru de su  10/11/2024.

Primu de su merì de sa serrada e de sa premiatzione s’ant a fàiri tres adóbius de aprendimentu

• su 29 de Mesi de Ladàmini in su Teatru Cumunali de Sàrdara
• s’8 de Donniassantu in s’Àula Consiliari de Carbonia
• su 9 de Donniassantu in s’Àula cunvegnus de su centru Polisolidali de Sìnnia

S’ùrtima dì de sa cantada e de sa premiatzioni totus is partecipantis ant èssiri informaus de cali funt is datas de is cantadas, is modus po ddas fàiri e totu is àteras novas chi pertocant sa gara. I poetas e poetessas improvvisadoris/as ant a passai in unu primu isceberu – una primu torrada – de ancà is garas ant èssiri cun tresi o cuatru cantadoris/as, a sigundu de su nùmuru de cussus/as chi s’ant èssiri iscritus/as. S’at a sighiri cun sa de duas torradas de ancà ant èssiri amìtius/as is finalistas chi s’ant a afrontai in sa gara de sa serrada

Is cantadas ant èssiri giudicadas dae una cumissioni cumpetenti, fata de espertus/as de sa poesia improvisada e su giudìtziu insoru no s’at a pòdiri cuntestai. Sa cumissioni at a imperai critérius de valutatzioni adatus comente, tanti po ndi nàrriri calancunu, métrica e rimica giustus, su rispetu de su tema, sa bellesa de is versus, ma at a tènniri in contu fintzas su votu de su pùbblicu presenti in is dîs de is garas. Is nòminis de is cumponentis de sa cumissioni s’ant a iscoviai sa dì de sa gara de sa serrada e de sa premiatzioni. Sa giuria at a pòdiri proponni temas, donai prémius ispecialis, mentzionis e segnalatzionis de méritu a is cantadas chi no ant tentu mancunu de is prémius postus in giogu.

Art. 2

Custu regulamentu istabbilit is prémius aici comenti sighit:

• su primu prémiu (1°) at èssiri un’atestau de minescimentu e € 500,00, cincuxentus èurus in dinai;
• su de dûs (2°) at ‘èssiri un’atestau de minescimentu e € 300,00, trexentus èurus in dinai;
• su de tres (3°) at èssiri un’atestau de minescimentu e € 200,00 duxentus èurus in dinai.

Sa setzioni poesia improvvisada de custa editzione est intregada a sa memória de sa cantadora

PAOLA DENTONI

Movendu dae custa editzione nascit su Prémiu Paola Dentoni chi sa Cumissioni at a donai, sigundu su giuditziu sû, a sa cantadora chi s’at èssiri distinta in sa gara.

Art. 3

Su merì de s’urtima torrada de poesia improvvisada, sa cerimónia de nómina de is bincidoris/as e sa premiatzioni s’ant a fàiri sàbudu, su 16 de Donniassantu 2024 in sa sala multimediali de su centru de aggregatzioni sociali Si ’e Boi de Ceraxus,

Sa gara de poesia est apariciada impari a C.A.M.P.O.S.  e a sa rassigna Musas e Terras 2024. Is adóbius de su merì de sa premiatzioni ant èssiri tramìtius in direta tv in RTS Radiotelevisionesarda- canali 79 de su digitale terrestre.

In su situ de sa Fondatzioni F.O., e in is àterus logus de informatzioni chi sa Fondatzioni tenit e imperat, at èssiri pubblicau su programa cun totu is particularidadis e chi, chi ddoi nd’at, totus is cambiamentus chi pertocant cust’atividadi.

Art. 4

Pighendu parti a custu Cuncursu s’atzetat custu Regulamentu e si narat ca eja a su tratamentu de totu is datus personalis chi ant èssiri imperaus isceti po su chi serbit a custu cuncursu, e ant èssiri allogaus isceti fintzas a candu ant èssiri necessàrius po custu scopu, no ant èssiri mai donaus a àtera genti in su rispetu de su D. Lgs. 196/2003 e s.m.i..

Art. 5

Totus is chi pigant parti a su “Prémiu de Artis Faustinu Onnis”, depint:

• atzetai e rispetai in totu e po totu custu Regulamentu;
• autorizai po chi, in is dîs chi si fait sa gara de poesia e su merì de sa premiatzioni , si potzant fàiri fotografias e video e si potzant pubblicai;

Chini no rispetat su Regulamentu de su prémiu at èssiri cunsiderau foras de su Cuncursu.

Cópia del custu bandu est a disponimentu in su situ de sa fundatzioni a s’indiritzu chi sighit:

www.fondazionefo.it

in is pàginasa FB

• Fondazione Faustino Onnis
• Festival Letterario Anderas
• Gli amici di Faustino

e in instagram

• anderasfestival

Fondatzioni Faustinu Onnis Onlus

Bia San Paolo, 34 · 09047 Ceraxus (Ca)

Tel. 070/845093

Responsàbbili: Luciana Onnis

3687855521

e mail: fondazione.fo@tiscali.it

www.fondazionefo.it

Po pigai informatzionis a pitzus de is adóbius de aprendimentu si podit telefonai a:

Sinnia: Gigi Oliva 3405651727/ Pàulu Zedda 3291631500

Carbonia: Franciscu Capuzzi 3409300108

Santu ‘Engiu: Albertu Atzori 349 613 6485